mercredi 27 mars 2013

Paroles...Promesses...Paroles...





Adieu en totei,
Après nos aver negats de bònei paraulas, declaracions e promessas, lo Govèrn, coma va sabètz, s’es renegat tot de lòng de la setmana passada… (abandon de la ratificacion de la Carta e Lèi d’orientacion de l’escòla vuejada de tot contengut favorable ai lengas regionalas).
Lo sabiam d’experiéncia que faliá esperar leis actes ! E leis actes leis avèm vists ! E son pietadós e van de regression en regression !
Alora Occitans bolegam !

1 – TRE ARA

Lo tèxte de lèi pòt encara sortir dau Senat, enriquesit d’amendaments (e n’avèm prepausats !)… basta que lo Ministre de l’Educacion lo vogue ! Sabèm pas encara quand serà debatut.
Adonc, ara, lo mai urgent es de metre la pression sus lei senators, de li mostrar nòstra colèra…
Fa mestier que dins cada relarg lei sòcis, lei seccions, cercles e autreis associacions li digan, dins un comunicat ò una letra a son biais, sa colèra d’èstre tractat ansin…
E au mens que li mande nòstre darrier comunicat !
Fau mostrar que la demanda sociala existe…
Fau que dins lei jorns que vènon, lo ministre, lei senators (e autreis elegits), la premsa sigan pertocats per un fum de corriers…
que demandan se siam ben au Pais dei Drechs de l’Òme… que demandan onte son la libertat, l’egalitat e la fraternitat quand se refusa a un locutor lo drech de parlar sa lenga, de la transmetre a seis enfants… que demandan que sigan tengudas lei promessas electoralas e concretizadas lei declaracions posterioras!

2 – A VENIR

Se fau apreparar a l’accion tre que sauprem coma evoluirà la situacion ambé lo Senat e la naveta parlamentària…
Dissabte 22, au darrier CA de l’IEO se siam pausat la question de quineis accions vesedoiras poiriam entraïnar per se faire entendre, que necessitèsson pauc de temps d’alestiment e gaire d’investiments financiers e contunham de l’i perpensar :
Avèm dins l’idèia de causas que se pòscan faire :
- sigue espontanèas « flash mob », dins de luòcs mediatics ò mediatizables
- cèrcles dau silenci, « sittings », tanben dins de luòcs mediatics (ex. Capitòli)
- sigue en cascada : cadenas umanas totei lo meteis jorn dins tota Occitània ò au contrari desplaçadas per que se ne’n parle mai de temps,
- campanha de cartas postalas mandadas au president Hollanda (NB : que i a ges de besonh d’afranquir la letra quand se li escrich…) amb un títol simple « Promesse 56 : non tenue ! » e quauqueis linhas
- comunicacions sus lei malhums electronics, aus elegits, a la premsa (com ja dich)
Que leis accions sigan portadas soletas per l’IEO ò dins lo quadre de la Coordinacion Per la lenga occitana ò d’Anem Òc, es lo moment de se bolegar per obtenir lo maximum dau Governament.

3 – INTERLENGAS

Siam, d’autra part, tanben a chifrar ambé leis autrei lengas de Franças sus d’una ò mai d’una accion comuna.
Se tenèm au fiu per la seguida !
Mai nos fa mestier de vòstre avejaire, e esitetz pas de nos comunicar d’autreis idèias e proposicions
Fau d’accions a repeticions e sus tot lo territòri !
Coralament
p/o Ana-Maria Poggio
Vice-presidenta de l'IEO





Aucun commentaire:

Enregistrer un commentaire

" Los Ciutadins " Une association, un blog pour la défense de notre patrimoine la Cité.
A vos claviers vos commentaires sont les bienvenus
Merci Anton de Ciutad